شــيــفــرة شــاعــر " مذكراتي "

[الأبـــهَـــر]

‏أنا الأعرَف وأدرى بشغلة البستان
وأميّز نوع وحاجة كل شجر مغروس

طولك قطعه قطعه فيه أنا تعبان
أنا فلّاح طولك .. لا تخاف الفوس

والمرج مابين الرمْان والرمّان
اتفصّل إلي بس للحَضن والبوس

ويلزمو حر يذيب حجارة الصفوان
بحبو ترا مستوي تينك ومهروس

‏ورداتك ندايا و العطر ما حان
ومو للفراشات .. إلي عطرك المحبوس

الصبح لو ما رتوى يمسّي الورد ذبلان
وليلك بدّو مين يقدّر الفانوس

مثل قوس القزح كلّك مزيج الوان
واناعمري اختزالو بس ضمن هالقوس


أبدأ من حيث انتهيت

كل ما ستحويه المدونة بقلمي
ليست شعرية فحسب
انما تحتمل التنوُّع

تسليط الضوء على تفاصيل وأسرار وخفايا
ربما يكون للنقد الأدبي مكان هنا

[الأبـــهَـــر]

أنا رجلٌ لم يعد لديه ما يخسرُه
لقد فُزتُ بجميعِ الخسارات

[الأبـــهَـــر]

‏نفايات البشر
أهون عليَّ من النفايات البشر

[الأبـــهَـــر]

أنا شديدُ التغزُّل
و شديدُ الحزن

[الأبـــهَـــر]

يل خدّك عسل وشفافك كَراميلْ
صرت أشك انّو الهبّطْنا تفّاحَهْ

وجهك المصباح وشعرك مَسكَن الليل
ومركز الجذْب عْيونك الذبّاحه

هالأناقه تندرِس جيلاً بعدْ جيل
ضايع مثيلك بس انته بالساحه

[الأبـــهَـــر]

أنا مو برشلوني
مدريدي
ومو ريالي أتلتي
مدري ليش بملفي شعار الخصوم
عم يطلع بوجهي

[الأبـــهَـــر]

رح نسولف عن الغيبه والنميمه والحسد والغيره
بأجواء المنتديات ومواقع التواصل

مما عشتو و عايشتو و شفتو

[الأبـــهَـــر]

هذا يا حب
جايني تحكي عليه

هيك بداية أغنية حبيب علي
بضل قولها ل اللي ببالي

حب ايش وانتي من رساله وحده
اقتنعتي بكلام شخص بتعرفي انو في
بيني وبينو معارك بالهجاء ومافي أي موده
من طرفو تجاهي


اتخيل وحده بتكتبلك حب وغزل كل ليله
وانته بتكتبلها رد عالحب والغزل كل نهار
تنقلب عليك فجأه وتصير مو رسميه معك
بل أكثر من رسميه وكإنو ماكان في بيناتكن
أي شي بسبب نميمه من شخص
مابيرتاح بالو اذا شاف 2 من غير بلد ومن غير مله
ومن غير دين بيحبوا بعض
وأسقطوا كل شي مقابل ما يخسروا بعض

هذا يا حب


أنا مو شاعر هجائي ولا بحب الهجاء
بس انجبرت بمرحله من المراحل عالهجاء

[الأبـــهَـــر]

أحياناً بضحك على كل شي كان مسببلي أذى
وبقول يلا كيدوا كيدكم
ماعندي شي اخسرو

[الأبـــهَـــر]

نحنُ بائعو كلام

هذا ما استنتجتُه بعد 4 سنوات

[الأبـــهَـــر]

ماعرفتو تحبو ولا عرفنا نحِب
صرفنا المشاعر من غيرما نحسب
وما عقلنا مقولة اسأل مجرّب
مو سهل هالحب ترا جدّاً يتعّب
طيشة صبي مشينا ورا النبضات
وتاريه متل آدم هالقلب يكذِب
شو يجبر الكسر إن كان بالأعماق
مو مسموع صوتها دعوة المذنب

[الأبـــهَـــر]

اللي راد يخون يخون
واللي راد يروح يروح
ماعاد اهتم للي باع
وصارو يضحكوني لجُروح

[الأبـــهَـــر]

بياعة حكي .. يكتبولك أجمل الأشعار
وبس تعاشرهن ولا رح تحتمل ساعه

لمغمّس غدر .. يحكيلك عن الغدّار
لا يغشّوك المظاهر كلها خدّاعه

الإيدو بْثلج مو مثل اللي ايدو بْنار
محسوبك الأعلم ب آدم .. و أطباعَه

قط يتتاكل عشاه لا تكون .. بل جبّار
وطيبة قلبك لَعاد تحطْها شمّاعَه

ولا توثق باللي قلّك أنا بير أسرار
عندك بيارَه ع هيئة ( مايك وسمّاعَه )



هي ل جماعة المنتديات ومواقع التواصل

لساتنا بنفس موضوعنا

[الأبـــهَـــر]

عاهدت اشخاص مقربين مني
اذا ما فازت بلجيكا باليورو
رح اعمل كذا وكذا

مارح احكي شو رح اعمل

[الأبـــهَـــر]

أنا شاعر مهمل جداً ولا مبالي وعصبي
لكني لست مزاجيّا ولا هجائيّا
هناك معاملة بمثل ما يستحق المرء

[الأبـــهَـــر]

رغم كل علاتو
بيبقى واقع عالم المنتديات ومواقع التوااصل
أحسن من واقعنا ال ال الحلو

[الأبـــهَـــر]

النميمة والبهتان
كل منهم على حدا
سلوك شيطاني
يمارسه الإنسان لتحقيق مصالحه

[الأبـــهَـــر]

نحن لا نرى بعيونِنا
انما نرى بآذانِنا

[الأبـــهَـــر]

أعرفُهم منذ سنين
وتعرّفتُ بهم منذ أيام

[الأبـــهَـــر]

لا أرى نفسي جيداً
في الشعر الفصيح
بالرغم من الألقاب التي أطلقوها

لستُ راضياً عن نفسي في هذا المجال