جرب تغيب

[توت احمر]

جرب تغيب
وشوف مين هيفضل
في غيابك حبيب

الكل باعك وخان
وعشرة زمان
راحت ويا الزمان

ولا كان بايديك تفضل
من نفسك قريب
جرب تغيب

عدي حدود
اوهامك فوق
ومهما كانت عتمة ايامك
لابد شروق

كل يوم الشمس طالعه للحياه
والصبح بيودع قمر الليل البرئ

وكل يوم بتُغرُب منا الحياه
لما روحنا من روحنا تغيب
جرب تغيب

لو فارق معاك
كنت سألت
في اول يوم غياب
وكنت وفرت علي نفسك
ونفسي العذاب
دا لو حقيقي غيابي
فارق معاك

غبت الخميس. فارق؟
غبت الجمعه. فارق؟؟
غبت السبت. فارق!
وغبت الاحد. فارق!!

وغبت الاتنين
وأظن مش فارق
وهتغيب الثلاثاء
برضوا مش فارق
وييجي الاربعاء
وبرضوا مش فارق

ويعدي خميس تاني
وأكيد مش فارق

أنا مفارق
ومش فارق
غيابي فارق
ولا مش فارق

وهصرخ مش عايز
بلاد نشفت دمي بهجرها
ومتقولش حرام وعيب
جرب تغيب

عمر الغربه ما كانت سفر
الغربه اختيار رغم القدر

قرار باصم عليه بيدك
وإقرار انك تموت لوحدك

شجره واختارت تخضر
وسط الصحاري
ولا حد داري مين رواها
ومين جفاها

ومين قطف ثمارها
ومين من جدرها
خلعها ورماها

يا كل آهه
صارخه من قلب الوجع
الغريب مات في بلده
علشان جدع
الغريب مات علشان
بحبك فيه اتخدع

اتغرب وكل مناه
لو كان رجع

يا قاعد في ضله
وسط ارضك
انا ارضي ضله
بس ضاله

فردت غيومها فوق سمايا
وحلفت مهما تحمى
شمس هتكون غطايا

ولما الشمس حميت
غرقتني
وموتتني
ما بين دفاكي وبين جفاكي
وبين بكايا

وفي النهايه
فضلت وحدي
في روحي اهدي
واقول لقلبي بكره تفرح يا ضنايا

لما ترجع من كل غربه
للتراب اللي انت منه
وطول ما انت ماشي فوق ترابك
بتقول عليه انه غريب


جرب_تغيب
13 اغسطس 2018

ياسر ابراهيم

[SAMAR]

سلمت هالانامل المبدعه
وتستاهل كل الزين
مودتي

[عيسى العنزي]

شكرا لك على الموضوع
يعطيك العافيه
احترامي

[روح الورد]

طرح في قمة الروعه
يعطيك العافية سلمت أناملك لطرحك
بانتظار جديدك القاآآدم
ودي لروحك ووردي

[روح الورد]

طرح في قمة الروعه
يعطيك العافية سلمت أناملك لطرحك
بانتظار جديدك القاآآدم
ودي لروحك ووردي

[عواد الهران]

بارك الله فيك...

جزاك الله خير الجزاء,

ولك الشكر والامتنان,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.

[قصايد]

سلمت على هكذا إنفراد وَ تميُز
دام حضورك وَ عطائِك اللا محدود ..!

[عابر سبيل]

توت احمر

أشكرك علي هذا الطرح الرائع كروعتك
وعلي كل هذا المجهود المميز كتميزك
كلمات هامسة تسكن القلب وتداعب الخيال
دمتم لنا رمزا للتواصل ورقي العطاء
تحياتي وتقديري لكم

http://moontears.weebly.com/uploads/3/8/1/9/38196529/8136096_orig.gif

[إيليف]

سلمت الأيادي ..
ويعطيك العافية لـ جمال الآنتقاء

دمتِ بخير https://www.a-al7b.com/vb/images/smilies/241.gif.