مميز - غربة أعياد

غربة أعياد

يا رجفتي والبرد يبغى له بلاد
يا غربتي والعيد طعمه بلا روح

اليوم عيد وليلة البارح سهاد
ماعدت ذاك الطفل ابو ضحك و مزوح

كن السهر ياخذ من عيوني رقاد
وكن القلق ياخذ من لساني البوح

امشي وأحسّ الناس من حولي أجساد
وأغيب في صمتي وأشارف على النوح

أهيم في صدفه على غير ميعاد
من كثر ياسي قلت للوقت مسموح

ما ادري اتوه او اهتدي بس الوكاد
منفاي ما ادري موطني حذفة جروح

غريب تايه وان لفى صوت نشّاد
قلت : "ايه هذي غربة أعيادي تلوح"

اكذب واسمّي غربتي (غربة أعياد)
لكن عسى اللّه يرحم الحال والروح

دام الجسد في بلاد والقلب في بلاد
والله ل(احصّل) غربتي وين ما اروح

ممارق لي