مميز - بداية من شائعة المصحة النفسية لـ بتر قدمه.. أزمات مر بها شريف دسوقي

مميز (https://www.mmayz.com/index.php)

- •~ مميز آخبار الفن والفنانين ~•
(https://www.mmayz.com/forumdisplay.php?f=88)

بداية من شائعة المصحة النفسية لـ بتر قدمه.. أزمات مر بها شريف دسوقي

https://www.elfagronline.com/upload/...8o/666.jpg?q=1

عاش الوسط الفني في الساعات القليلة الماضية حالة من الصدمة، عقب بتر قدم الفنان شريف دسوقي أثناء إجرائه عملية جراحية.

وأعلنت عن ذلك الفنانة بدرية طلبة من خلال حسابها على موقع التواصل الاجتماعي "فيس بوك"، وكتبت قائله: "عن تجربة عيشتها مع بابا الله يرحمه، صعب قوي بني آدم يفوق من البنج يلاقي جزء من جسمه مبتور وخصوصا رجليه، ربنا يصبرك يا شريف ويقوي قلبك ويتم شفاك على خير".

وكشفت صباح اليوم عن تطورات حالته الصحية قائله: ""بطمن حبايب شريف أنه خرج من المستشفى وهيبدأ في مرحلة التأهيل النفسي، علشان يتعود على وضعه الجديد ويتقبله".

وآثار الفنان شريف دسوقي الجدل في الفترة الأخيرة بسبب ملاحقة الشائعات به حيث اتهموه بأنه كان يتواجد في مصحة نفسية وأيضا قدومه التصوير سكران، ورد على ذلك من خلال برنامج "الحكاية" مع الإعلامي عمرو أديب حيث قال: "الظلم وحش وعيب يتقال عليّا إني رحت مصحة نفسية، وعمري ما دخلت اللوكيشن سكران، أنا كنت بساعد العمال ينظموا الديكور".

وروى شريف دسوقي أزمته مع قدمه حيث أصيب بها أثناء تصويره أحد الأعمال وكتب عبر حسابه على موقع التواصل الاجتماعي "فيس بوك" قائلا: "اللي حصل إني أُصبت في رجلي أثناء تصوير أحد المسلسلات اللي مشوني منها، ويشهد على كدا كل اللي بيتعاملوا معايا.. اتصابت يومها بجرح صغير ومكنتش أعرف إني عندي سكر، المهم روحت وجيت تاني يوم حسيت بدوخة قولتلهم ودوني المستشفى، افاجئ إن ولا واحد من المسلسل معايا باستثناء المنتج أحمد الجنايني وهو منتج فيلمي (وقفة رجالة)".

أضاف: "عملت تحاليل واكتشفت إني عندي سكر وخبيت على الأستاذ أحمد الجنايني إني مصاب عشان معطلش التصوير بتاع فيلم (وقفة رجالة)، الحمدلله نتاج تحملي ربنا كرمنا.. خلصت الفيلم وداخل حاجات تانية فوجئت إن الدنيا كلها بتقول مشّوا شريف من المسلسلات عشان بيخش مخمور وسكران.. أنا المتربي على مدرسة إسماعيل ياسين، أنا مدرّب مادة التمثيل مستحيل أبقى نصاب، بطالب بحقي فقط لا غير إني أتعوض عن اللي حصل.. أنا مخدتش تلت أجري ومش عيب أٌقول كدا".

تابع: "مصحة نفسية؟ هي زيارة نفسية اللي روحتها وكانت من 20 سنة لما انفصلت عن زوجتي أم ابني، هو فيه حد لما ينفصل عن زوجته ينزل الشارع يرقص؟ أنا 40 سنة ببني نفسي بدراعي واشتغلت مع أكبر مخرجين مصر اسألهم شريف عامل إيه في اللوكيشن".

وتابع: "ليه الموهوب واللي بينوّر في زماننا بيحاربوه؟ ليه إحنا البلد اللي بتقتل الموهوبين الحقيقيين؟ أنا زعلت عشان حالتي كانت صعبة من 8 شهور استشاريين كانوا يعيطوا وميقدروش يبصوا لرجلي، النهاردة الحمد لله ربنا عافاني بعد فترة مقولتش لحد فيها حاجة بس من حقي أزعل لما اتكشف إعلاميًا غصب عني أنا مكنش عندي صداع أنا كنت مهدد فعلًا ببتر رجلي".

وأضاف: "عيب يتقال عليا إني روحت مصحة نفسية أو بدخل اللوكيشن سكران، أنا بحضر قبل التصوير بساعتين وبقعد مع العمال نظبط الديكورات ونفطر مع بعض.. الظلم وحش".