مميز - سمية الخشاب تطالب بـ رخصه وامتحان لإنجاب الأطفال.. وتحدث ضجة

مميز (https://www.mmayz.com/index.php)

- •~ مميز آخبار الفن والفنانين ~•
(https://www.mmayz.com/forumdisplay.php?f=88)

سمية الخشاب تطالب بـ رخصه وامتحان لإنجاب الأطفال.. وتحدث ضجة

https://mz-mz.net/wp-content/up/2021...103502.816.jpg

فجرت الفنانة المصرية سمية الخشاب، ضجة واسعة بين الجمهور، بسبب “طلب غريب” كما وصفه متابعوها، وذلك لإنجاب الأطفال، ودونت تغريدة عبر حسابها على تويتر: “أنا بطالب برخصه وامتحان للإنجاب”. وأضافت: “يعني قبل ما الأزواج يخلفوا..يروحوا يطلعوا الرخصة دي، فيتعملهم اختبار هل هما مؤهلين يربوا أو لا؟ هل هما “mentally stable” (مستقرون عقليا)؟ هل هيطلعوا نشأ كويس للمجتمع؟ واللي يسقط في الامتحان يعملوله “therapy” (علاج نفسي) وياخد كورس تدريب لحد ما ينجح عشان ميظلموش الأطفال معاهم”.

وانهالت التعليقات وردود الفعل المتباينة على طلب الفنانة المصرية “الغريب”، فكتب أحدهم: “بصي يا سمية يا حبيبتي..كلامك دا صح وغلط في نفس الوقت..غلط من ناحية مفيش حاجه اسكها تديني رخصه علشان أخلف..أنت مين أنت علشان تقول اخلف ولا لا.. وصح من ناحية إنه لازم يكون الأهل مؤهلين يربوا أولادهم ويبقول نشئ كويس للمجتمع علشان نخلص من الأشكال الغلط اللي بنشوفها دي”. وعلق آخر: “أولا يا أستاذة سمية الرخصة اللي حضرتك بتقولي عليها لا تتعلق في أمور الزواج او الإنجاب..لو الاتنين بيحبوا بعض فى سبيل انه يراضوا اللي خلقنا ثق تماما إنه العلاقة ناجحة..بس للأسف إنه كتير من العلاقات بعاد عن الله سبحانه وتعالى لأن الزوج قبل ما يتقي زوجته حيتقي الله”.

في حين وافقها البعض الآخر على كلامها، وقال: “أتفق 100 %”، وأضاف آخر: “متخلفوش غير لما يكون عندكم الوعي الكافي، ازاي تربوهم،، حقيقي أعظم انجاز ممكن يعمله الإنسان في حياته انه لو اتجوز يكون على قدر مسؤولية تربية الأطفال اللي هيجيبهم للدنيا لأنه عظيم جدا انك تصنع انسان سوي في وسط ضغوطات و صراعات الزمن ده..برافو عليكي”. كما كتبت فتاة: “أنا بطالب عدم انجاب اطفال الا لما يمر ع الزواج سنة ونص سنتين اقل شي عشان يتعرفو على بعض كويس يفهمو بعض ويتأسس مستقبل لاطفالهم الجايين مو يجيبوهم ويرموهم فالدنيا ويلا انتو وحظكم”.

وأيدتها فتاة أخرى:”والله صح + ياريت كان فـ كدا زمان ع الاقل كانوا الأهل دلوقتي أحن علينا ويفهمونا من غير ما نتكلم + ميجيروناش نكمل غصب عننا فـ شئ احنا مش عايزينه ايا كان الشئ ده حتي لو كان شخص ، معظم حالات الانتحار حاليا بتكون شباب معدتش مرحلة الـ25 والسبب الأكبر ف الانتحار هما الاهالي”. يذكر أن سمية تنشط كثيرًا عبر حساباتها على مواقع التواصل، وتحديدًا “تويتر” في توجيه النصائح حسب قولها لمتابعيها، حتى يستفيدوا منها، وتحديدًا النساء، أغلبها يتضمن نقدًا مباشرًا للرجل. وسبق أن أثارت ضجة كبرى، عندما كتبت عن قضية “الاغتصاب الزوجي” التي تم طرحها ضمن أحداث مسلسل “لعبة نيوتن” للنجمة منى زكي، وأكدت سمية أن عقد الزواج “ليس كافيًا” لإجبار الزوجة على تلبية رغبات زوجها.

https://mz-mz.net/wp-content/up/2021/09/123.jpg