مميز - ما هو الفرق بين الطفل الشقى وطفل فرط الحركة ؟

مميز (https://www.mmayz.com/index.php)

- •~ مميز لذوي الاحتياجات الخاصه ~•
(https://www.mmayz.com/forumdisplay.php?f=105)

ما هو الفرق بين الطفل الشقى وطفل فرط الحركة ؟

أوضحت الدكتورة عزة الاشوح خبيرة الدمج والتربية الخاصة بالأطفال الفرق بين فرط الحركة والشقاوة قائلة : كتير من الأمهات متعرفش أن أبنها أو بنتها عندهم اضطراب فرط_الحركة ، و فاكرة أن الطفل شقى زى بقي الأطفال، و تسكت وبعد كدا المشكلة تكبر ومتأخدتش بالها الا لما تأثر عليه اكاديمياً واجتماعياً

صحيح فيه عدد قليل جداً من الأطفال لم يتأثر عليهم اكاديمياً بشرط توفر البيئة اللازمة لتعليمهم مع الأضطراب ، ولكن الأغلبية بتتأثر ،

و ليه نستنى لما ممكن دلوقتى مع بعض نعرف الفرق بينهم .

* الطفل الشقى :

هو طفل ذكى عاوز يلفت الانتباه ويكتشف العالم من حوله وبتكون طريقة لعبه متزنة على مدار اليوم وهتلاقية الصبح نشيط و بيلعب ويبدأ يقل نشاطة على مدار اليوم تدريجياً لحد النوم ، ولما ينام بيكون هادى جداً فى نومه و بينام من 8 الى 12 ساعة حسب عمره الزمنى

* أما الطفل المصاب بأضطراب فرط الحركة :

بتكون حركتة زايدة جداً أكتر من اللازم و أندفاعى و بيقع كتير و يتخبط فى أى حاجة وهو ماشى ، و كتير الحركة بلا هدف و بيكون نشاطة طوال اليوم عالى ، حتى فى أخر اليوم و نومه غير منظم وغير هادى و قليل جداً حوالى 4 ساعات وأحياناً متقطعة .

واضطراب فرط الحركة ثلاث أنواع أو أشكال وهم :-

1- فرط الحركة فقط .

2- نقص الانتباه وضعف التركيز .

3- فرط الحركة وتشتت الانتباه المختلط .