مشاكل خدمة الـ bbm في بلاك بيري 10 وخصوصاً مشتركي (موبايلي) ، وكيفية عمل سوفت وير!

[almuhm]

بسم الله الرحمن الرحيم


حياكم الله أخواني وأخواتي الكرام ..


بالنسبة للمشاكل اللي صايره لأغلب الناس بالسعودية مع جهاز البلاك بيري Q10 الجديد واللغط الكبير اللي صار عليه ..

أنا حبيت أوضّح كم نقطة استفسرت عنها خلال اليومين الماضيين خصوصاً لمستخدمي شريحة (موبايلي) ..



أول شي ، يجب على كل شخص شرى الجهاز أنه أو ما يشغله راح يجيه كلام كثير واعدادات كثيره ، أهم شي راح يقولك تبغاه ع الواي فاي أو ع الشريحة ، أنت طبعاً اختر ع الشريحة ، لأنك إذا راح تختار ع الواي فاي ما راح تشتغل معك خدمة الـ BBM الا ع الوايرلس فقط !


الشي الثاني ، إذا اشتغل الجهاز خلاص والوضع اوكي ، أغلب الناس ما يعرفون كيف يسوون تسجيل دخول اللي هو كان سابقاً بالأجهزة القديمة ما يسمى بـ(جدول توجيه الاستضافة) عشان تتفعل الشريحة على البلاك بيري وتسوي تسجي لدخول ، الطريقة كالآتي : تروح للإعدادات ، بعدين تدخل على أول خيار عندك اللي هو (حول) ، بعدها راح تلقى خيار عندك اسمه الفئة اضغط عليه وغيّر الفئة من (عام) إلى خيار آخر أسمه (الشبكة) ، بعدها راح تلقى أقصى الشاشه على اليمين 3 نقاط اضغط عليها ، بعدها راح يجيك خيار واحد قدامك اللي هو مكتوب (تسجيل Blackberry) اضغط عليه ، بعدها راح يقولك (التسجيل مطلوب) ..
بكذا أنت تكون انتهيت من عملية (جدول تسجيل الإضافة) اللي أغلب العالم توهّقوا معه لما يتصلون على موظفي خدمة العملاء ويقولون يعملون هالحركة ..



وفيه نقطة برضه حاب أتكلم عنها ، اللي هي أن بعض الناس يقولك سوى تسجيل دخول وخلاه على الواي فاي وتوّهق ما يدري كيف يرجع عشان يسوي تسجيل دخول ويخليه ع الشريحة ، بدال ما أنك تروح محل ويلعب عليك وياخذ منك ذاك المبلغ ، الطريقة كالآتي : حوّل اللغة عندك للإنجليزي ، بعدها روح للـ Settings ، بعد ذلك أدخل على Security and Privacy ، بعدها نخش على الخيار السادس اللي هو Security Wipe ، بعد ذلك راح يجيك فراغ اكتب فيه كلمة Blackberry مثل ما هو موضّح لك ، بعدها اضغط على Delete Data ، وراح يسوي لك سوفت وير للجهاز وراح يمحي كل البيانات اللي فيه ، ويرجع الجهاز كأنه جديد أول ما أخذته ، بعدها عاد كل واحد يضبط تسجيل الدخول ويخليه الشريحة بدال ما هو ع الواي فاي ، عشان تشتغل خدمة البيبي مسن على الشريحة ..



طبعاً اللي طلعت من عندهم بأنه بعض الشرايح تشتغل عليها وبعضها لأ ، لأنها صايره فيه لخبطه ، وخلال الأيام القادمة وقد يكون تحديداً يوم السبت القادم ، موعد لنزول باقات للبلاك بيري Z10 ,Q10 ، والغريب في الموضوع أن خدمة الـ BBM تشتغل على النت بدون ما يحتاج تسوي اشتراك لخدمة البلاك بيري !


طبعاً شرايح (زين) و (STC) أعتقد أن أغلبها تشتغل تمام ..


هذا بس اللي حبيت أوضحه لكم ، ولعلّي إن شاء الله حلّيت بعض المشاكل اللي يعاني منها الكثير ..



أرجو أن التوضيح نال على رضاكم ..
وشكراً جزيلاً لكم ..