الحب الأول صعب نسيان راعيه

imported_ريآن · 04-19-2021, 02:10 PM

[align=center][tabletext="width:100%;background-image:url('https://1.top4top.net/p_1260av0a31.gif');border:3px groove crimson;"][cell="filter:;"][align=center]
[align=center][tabletext="width:90%;background-image:url('https://3.top4top.net/p_1260fa6xr1.gif');border:3px groove red;"][cell="filter:;"][align=center]
[align=center][tabletext="width:70%;background-color:black;border:2px groove red;"][cell="filter:;"][align=center]

أقول بنسى وأحسب اني نسيته
‏‎الحب الأول صعب نسيان راعيه

‏‎عانيت في بعده كثر ما هويته
‏‎لا احتلت في قربه ولا نيب ناسيه

‏‎لو اني أقدر جيته كان جيته
‏‎اللي بقوله آآآآه ويلي على أجيه

‏‎بس البلا أني كلما جيت بيته
‏‎أخذ ثلاث أيام مدري (شنا) فيه

‏‎ليل ونهار وليل واللي قفيته
‏‎وأنا مابين أسمه ورقمه وطاريه

‏‎الله عطاني من غلاه وعطيته
‏‎وغيره بغى مني ولانيب معطيه

‏‎قالوا هويته قلت أأيه هويته
‏‎قالوا تركته قلت ماني مخليه

‏‎له منزل" في وسط روحي بنيته
‏‎جدرانه ضلوعي وهو ساكن" فيه

‏‎دورت له بين الضلوع ولقيته
‏‎خلف الضلوع يبين(ماطى)خطاويه

‏‎واليوم لا أحتجت اللقا ماأحتريته
‏‎حتى ثره من بين الأضلاع ما حيه

‏‎ياجعل يسقى عادني لا بغيته
‏‎يغفى على ضلعين صدري وأصحيه

‏‎ما فيه شخص في حياتي بكيته
‏‎الا الذي قد مات مانيب راجيه

‏‎لكن هو حي ومع ذا رثيته
‏‎من قلبي اللي أحسن الله تعازيه

‏‎حملت قلبي بالهموم ورجيته
‏‎كني ما عرف الا غيابه وأحاتيه

‏‎أقول بنسى وأثرني مانسيته
‏‎الحب الأول صعب نسيان راعيه

[/align][/cell][/tabletext][/align]
[/align][/cell][/tabletext][/align]
[/align][/cell][/tabletext][/align]