الجو هذا جو

[عواد الهران]

الجو هذا جو...

الجو هذا جو كشته وسجات
وعزي لحال اللي مقابل دوامه

صوت الرعد بين المزون الثقيلات
كنه يذكر عاشق ن في غرامه

ماهو غرام ام العيون الوسيعات
غرام ربع ن مامشوا بالملامه

ربع ن يخلون الصعايب سهالات
الكل منهم ما ضرا للرخامه

خويهم دايم براس الطويلات
حزامهم واليا تعزوى حزامه

غرامنا شوف الفياض العذيات
ننزل صحاصيح ونرقا عدامه

رفقة وفا ماجمعتها انتخابات
كل ن فرض قدره وزاد احترامه

حتى سوالفهم مراجل وطولات
اهل العلوم الغانمه والكرامه

تسج فيها النفس عن كل مافات
ويسلى بها راع الهوى عن هيامه

الشاعر:صالح بن مبارك ال مخلص
الناقل: عواد الهران