بصمات خيال الطير ...

[طير السعد]

ياطير تعال أبــي أرســلـك مـن جــديــد
أبرسلك للي سكن وسط المشاعر ولمها
سلم عليه ياطير لكن من بعـيـد لبعــيد
وأسأله عن أخباره ورحلته وين ..يمها
إذا لقيـتـه مـبسوط وعايــش ســعيــد
علمني ياطيرأبي أسمع أخباره كلهـا
ياطــير ليه الغياب أستـدرجه مـن جديد
عنده ظروف ولا زعل النفس من خلها
تعبت ياطير أركض ورى ساعي البريد
أبــي رســاله منـــه أفــهـــم ســـرهــــا
ياطير علمه جرحه وسط الحشا لايزيد
ترى جروح الأمس ماطابت من سمها
وإذا ناوي الفراق وهذا اللــي يــريـــد
ليه مالوح بالفرقـا ثـم مــشا بدربــهـــا
ليه يخليني على أمـل وأكـتب قصيد
والمشاعر ميــته قبل تهنى بحبهــا
أنا عطيته حب وسقيتـه من الــوريـد
وهو عطاني مشاعــر غــرام ثم تـلها
خبره ياطير بالكـلام والعلــم الأكــيــد
أبي أهديه أشعاري وأوراقي وحبرها
ويــهدينــي قلــب قـوي مـثل الـحديد
ينسيني جـور الليـــالــي وظــلــمــها