وش يقول الناس عنا؟

[عواد الهران]

*** وش يقول الناس عنا؟***

جمله توقفت عندها مرارا, لانني سمعتها كثيرا.

تتصل بالعرف والتقاليد والعادات, و تتجاهل الشرع والرسائل الالهيه.

ثقافات ومفاهيم مغلوطه :
( ثقافة وش يقول الناس عنا؟ ).

على سبيل المثال لا الحصر اذكر بعض من الامثله:

- اثنان جالسان يتحدثان, حينما اقيمت الصلاه:
قال لصاحبه قوم نصلي , اذا ماقمنا وش يقول الناس عنا؟قد يكونان بلا وضوء!

- اخ قال لاخيه قوم نقعد عند الوالد الشايب الضرير تراه من حاله :
وش تقول الناس عنا , اذا ماشافونا عنده؟ والله يفضحونا عند الناس!

- الشيخ فلان بالمستشفى منوم هيا قوم نزوره:
وش تقول الناس عنا ؟ اذا علمهم انا مازرناه.

- يوم جمعه او يوم عيد او مناسبه خاصه:
قوم نزور كبارنا وارحامنا واللي له شرهه علينا بالزياره:
وش يقولون الناس اذا مازرناهم؟

- ودي اتزوج فلانه, مستوره ومؤدبه ومثقفه وصاحبة دين وخلق.
تزوج ذيك اللي ابوها فقير؟ وش يقول الناس عنا؟

- لازم اتصدق بشيء ظاهر للعيان ملموس ومنظور, كل من شافه
يتذكرني اني انا اللي سويته, وش تقول الناس اذا ماتصدقت؟

هؤلاء بعض الناس ...والحمد لله أقله.... ونسأل الله لهم الهدايه.
يهمهم الناس ومايقولون...ولا يهمهم ماورد بدستورهم المنير
وشريعتهم الغراء .....ودينهم السمح.......سبحان الله.
انها ايجاز لملخص مايقول البعض, رسمنا هنا عناوين.

بقلمي: عواد الهران