يوسف اصلان قطاوي باشا

[عواد الهران]

*****اصحك ومن قلبك*****

دنيا صدق من قال ماعندها امان =دنيا لعوب وماعليها حسايف
هماً بقلبي صار وزنه كما اطنان=اصبحت من سباه للحال عايف
صارت حياتي طيف ماعدت بانسان=والهم اصبح من اهم الوصايف
ابيع واشري بين ربحاً وخسران =في خاطري شيئاً وانا منه خايف
في خاطري شيء(ن) وياليت مابان=وياليتني عارف حقيقته زايف
ليته اوهام الليل واكون غلطان = يامن يغلطني ولو كنت شايف
والخاتمه بانت حقيقه وبرهان = خلاص ماباقي افراح وطرايف
ودي ابوح بكل ماكان كتمان=محاسبه: والحق يصبح نصايف
حيثه خطايا بساعة(ن) كنت غفلان= ظنيت قلبي مقيم ماهو بظايف
ياصاحبي بتعذيبنا صرت فنان=تشوف نفسك عالمخاليق نايف
مشكور ياللي قال لي ليه زعلان =انسى ايامك والسنين العجايف
انسى سحابة صيف مرت مع احزان= وانسى بعض من تعتبرهم ولايف
افرح بيومك قول ماكان قد كان = واللي مضى حطه على الرف هايف
اضحك ومن قلبك ايلا يومك قد زان=اسعد ويسعد معك قلوباً رهايف
شعرك ولحنه..نغمة الود واشجان = تنساب للسامع بليا كلايف
واختار شعرك واضح القصد مليان=يمكن بدنيا عالمك شخص حايف
وشعار يومك حط له دوم عنوان = حب وامل مع بسمة(ن) عالشفايف

بقلمي / عواد الهران
حصري