مترفات العطوري

[مهرة الشعر]

اغيب بعض ايام واجيك واروح.
صاير غيابي مثل لحظة حظوري.

معذور يا سمح المحيى ومسموح
ان كان مايفرق معاكم مروري.

وانا من اول جيت واسج وابوح
واجي من الفرحه اسابق طيوري

كنا وكان الشعر وافي ومطروح
من غير ماتكلم تترجم شعوري

واليوم صدري صار ضايق ومجروح
وحتى وجودي صار ماهو ضرروري

لاغبت صار الشعر كله بلا روح
واليا حضرت يزيد في الكون نوري

انته. مرورك عطر وانسامه اتفوح
عطرن من اجمل مترفات العطوري

شوف الغلا من نبض الابيات مفضوح
يزيد فحضورك هناي وسروري

حتى الحمام اللي يغني على الدوح
يقول عطني ساعة النوح دوري

واليا سمعته ناح عذبني النوح
وان طعت شوره يوم ماطاع شوري



مهرة الشعر